Shanghai


十二月既AL同屋企人去左上海
原本聽人講上海會落雪
但結果去到一滴雪都無落
不過小籠包依然係咁好味生煎包依然係咁多汁

最喜愛既小籠包有鹿麟坊同佳家湯包
最鍾意既地方係田子坊同豫園

田子坊係充滿創意既地方
豫園就係懷舊有中國特色既地方
好喜歡上海既新舊齊存

四日三夜好難得搵到一晚係唔支力
可以有力行去外灘睇夜景
結果當晚好大霧只係依稀見到對面岸既陸家嘴
不過就無損我地一家人既興致

Advertisements

Day 5 要離開上海了

康師傅牛肉面係我地要食既list最後一個。

牛肉麻麻但面好好食好彈牙stunned

 

之後去左豫園

好有返到古代既感覺

雖然手信街、食街係後期整出黎,但真正係入面既豫園好靚。

豫園係明朝時候既私人花園。入去參觀我真係可以想像到以前d妹仔、貴族係入面生活係點樣。

裡面迂迴曲折,好似迷宮咁。

南翔湯包!湯幾好飲不過管還是不要一開始就插入去否則好似我地咁枝管溶溶地stunned

雖然南翔好出名,不過我就覺得佳家既小籠包好食過南翔好多,仲要平過南翔。

據說南翔最好既師博係晒三樓。一樓外賣最唔好食;二樓自己去買飛再等人送黎會好食過外賣;三樓有人幫你點埋菜既小籠包係最好食。

我地取平衡去左二樓食。

結果係:「早知係佳家食多兩籠啦…」

呢個係小林煎餅既釣鐘燒。

雖然是台灣出品都係忍唔住買左一盒

好好食!最好食係tiramisu,第二係牛奶。

佢星期一三五同星期二四六既口味都會唔同。

我去係星期五有綠茶紅豆同牛奶味賣,tiramisu只供試食。

 

就是這樣我的上海之旅同梁屎鋒第一次既旅行就結束了heart

幸好出名delay既春秋無再delay

亦都好感謝梁屎鋒同我地呢次既旅行縱使成程得佢一個拖gip使費又超出左佢預算我又堅持唔跟團

 

但願會再有機會踏足上海啦我要係外灘影無雨有人既夜景相同掃平衫加掃多十個生煎小籠落肚sad

 

 

Day 4上海

第二朝去佳家食小籠包!

第一次體會到咩叫皮薄餡靚pleased

十三蚊有十二隻我地嗌左兩籠都覺得唔夠

佢有生既小籠可以買。不過算啦,就讓小籠包既回憶留係上海bummed

之後去左泰晤士小鎮。

係上海一個人造歐洲式既小鎮;亦都係當地既人影婚沙相既聖地。

 

 

這夜,KO了外婆家。

還KO了我期待已久既朱古力pleased

熱朱古力加大大粒綿花糖smoochsmoochsmooch

飲完古古力休息了一會去左外灘睇夜景

好可惜落大雨我都只能係雨傘下影,同唔到梁屎鋒影合照

Day 3 杭州回上海

呢個就係我地一朝早既早餐!無錯係早餐!

我地一起身又搭的士去上城區搵野食。結果我地去左新白鹿。

係出發之前有個曾經去過杭州既朋友同講外婆家、綠茶同新白鹿都係必去既餐廳;所以今日決定KO埋新白鹿!

呢個真係不得了,十幾蚊渣仲要好好味!

不過建議甜品要最後先嗌。佢地唔會好似香港餐廳咁上晒主菜先上甜品。

晨早流流既主菜如下:

呢個係冷盆來的,係杭州既名菜,蓮藕嚷左糯米係入面。

不過不太合我地既口味。

原來響鈴都係杭州既出品!不過佢地就唔係用黎打邊爐,佢地就咁加茄汁食。

呢個滾牛肉小米都好好食!

是次菜單:

蜜汁藕片 12

芝士焗培根薯泥 15

小米滾肥牛 28

乾炸響鈴 8

芒果沙冰 12

Total: RMB 75

 

 

 

結果,我地又嗌到成檯都係野食食唔晒…

 

 

 

食完早餐去西湖。

西湖真的很美,好喜歡它的垂柳和紅葉,都是些在香港找不到的東西。

遊完西湖我地又趕回酒店,乘火車回上海。

 

 

結果,回到上海我第一件做既事就係去便利店買紅棗酸奶shy

又係朋友介紹的,好好味!不過第一啖紅棗味最濃,之後就略嫌淡了點。

我地今次住既酒店叫魚子居,不過正確一點來說更像青年旅館,是一間很有詩意既青年旅館。

一入門口就有蓮花,大堂有魚,配合魚子居一名。房間漂亮,有畫作牆壁。

不過,有點不清潔。有潔癖既梁屎鋒上廁所沖涼都有點不舒服。

但可取既係,佢近人民廣場同外灘。

我地一到步就出去人民廣場附近了。

呢個就係傳說中既小楊生煎!真係好好好好味!!!!!

食過呢度既生煎都唔會再想食其他生煎包

一咬落去湯就會湧出黎shocked

四個都只係六蚊!

好想帶一百個返香港…

之後去左南京步行街行。

 

毛毛細雨,我地在上海漫步heart

 

 

 

 

上海去杭州 Day 2

第二日一早去左田子坊。一早去到鋪頭先o岩o岩開。

呢度既鋪頭都係些有特色既小店。如果想買特別既手信可以黎呢度買。

不過我地都係想搵食,就去左旺巴饅頭買個包,之後又去左間cafe坐。

一去已經去左兩個鐘。我地搭地鐵趕唔到係十二點返酒店check out,結果要飛的返去。

唔知點解近排一飲完咖啡就肚痛,好彩有得返酒店痾

之後,我地就離開呢個所謂既火車站,出發去虹橋火車站。

估唔到大陸既火車飛系統幾完善,方便過我之前係歐洲買火車飛多多聲。

不過由於我地無大陸身份證,無得係機買,要排隊去櫃檯買。

到杭州已經四點幾。一落火車,先係惡夢既開始。

話說我地間酒店係下城區,我地去到先發現我地一出既火車站係上城區,離下城區好遠。

雖然我事先係網上搵定有咩巴士去到,但原來全部都只會係下城區出現。

好啦惟有搭的士去酒店,點知原來個時係的士司機交更,有錢都截唔到的士。

當我地截到個一刻,真係有如釋重負既感覺。

當地既的士司機幾熱情,會同你吹水。

最搞笑既係佢地可以搭順風車,個司機見其他人順路就會載埋。

到酒店check in左,先發現全部旅遊景點係晒上城區。我地惟有又搭的士,去西湖附近食晚飯。

好彩呢度的士平,搭半個鐘先二十幾蚊。

外婆家同綠茶都係大陸有名既食店。兩間都係自助拎飛有位就會sms你。

最後,我地去左綠茶食。

(一黎就黎左個甜品先wtf)

好好味呀!!!!!!!!!!

面包面好脆仲有蜜糖係面加埋雪糕真係好好味smooch

全部野都好好味!我地見咁平多數都係十幾蚊碟以為好細碟點知多到食唔晒最後要打包XDD

是晚菜單:

烤肉 28

錢江肉絲配口袋 18

綠茶餅半打 12

烤雞黑米飯 25

面包誘惑 28

打包盒兩個 2

Total: RMB 131

於杭州的第一天就是這樣了。

上海Day 1

第一次去上海!出發之前有d驚; 驚溝通唔到驚俾人呃

不過,終於都黎到了。

話說我同仔仔搭春秋航空出發前就delay左一個鐘。

後尾問返fd先知原來呢個航空出晒名成日delay。不過無計,貪佢平

我地係蒲東機場搭磁浮列車去龍陽站都只係7分鐘!

一程rmb50;如果有交通卡(即八達通)/當日既機票就八折,即rmb40。

我地第一日卜左近上海火車站既Holiday Inn,諗住第二日搭火車去杭州方便d;點知,原來唔係呢個站…

搭高鐵既火車站原來叫虹橋火車站。

等我地以為自己好醒…

一去到酒店已經係夜晚。我地係附近見到有大娘水餃就入左去食。

買完飛之後坐低等野食之際會有人俾醬你。

水餃食落係幾好食不過無咩特別。

之後又去左真功夫食,難食到呢

最後去左買統一奶茶飲。好好味:P