36 weeks

終於都砌好張bb床喇

係我最期待嘅一刻

仲有一個月

我要隨時ready你出嚟喇

今個月要開始洗定衫仔同奶樽了

不過我真係好後悔放前二

估唔到個肚相隔幾個禮拜就大左好多

每日返工條腰同對腳好似唔係自己咁

Advertisements

35 weeks

踏入尾聲

身體愈來愈不勝負荷咁

大脾同盆骨痛得密左

廁所又去得密左

好想快啲卸貨

雖然深明卸貨後嘅日子更加辛苦

呢盞小夜燈將會成為我breastfeed日子嘅好朋友了

33 weeks

仲有唔夠兩個月

心情愈來愈緊張

呢個禮拜唔知係咪bb開始轉入pelvic

成日會行行下pelvic位抽住痛

同去廁所好似痾極都痾唔清咁。。。

不過當見到你出世嘅一刻咩都係值得既!

緊張同期待嘅心情好矛盾呢

From week 9 to week 24


一開始發現自己有左嘅時候已經係四週了

喺九週嘅時候決定開始影下相睇下個肚會點樣漸漸大

九週嘅時候影嘅仲係一個肚腩


呢張好似食到好飽係十一週時影嘅

十一週嘅時候開始成日覺得作嘔作悶

惡夢要開始了


十四週嘅時候個肚依然只不過係舊肥膏

因為咁我開始擔心bb係咪有問題

上網見到好多人三個月嘅時候發現死胎

愈睇愈驚

但因為自己作嘔情況愈嚟愈嚴重反而有時亦會安心落嚟

作嘔就仿佛代表bb嘅存在


十九週嘅我開始進入蜜月期

無再作嘔亦開始feel到bb郁!

第一次feel到嗰下真係好神奇

以為係腸郁

但因為感覺有啲古怪問下人先知原來係bb喺度郁


二十週又好似再大多左啲


廿一週嘅我開始腰骨痛同腳腫

得閒嘅時候會做下瑜珈拉下筋骨


廿四週嘅我好明顯比廿一週再大左

呢幾個星期忽然大得好快

心情亦漸漸緊張

開始會想像到時生佢出嚟係有幾痛

而食慾開始變好

連購物慾都突然旺盛

忍唔住買左好多bb嘢