Day 9 Paris

2015.05.19

  
意外發現歐洲先有嘅日清泰式杯面好好食!

好彩尋晚喺超級市場買左幾個lol

   

今日嘅第一個行程係凡爾賽宮

同羅浮宮一樣咁人山人海。。。

 

  

 雖然係第二次嚟但我最感興趣嘅依然係瑪麗皇后嘅睡房

佢一生實在太傳奇見到佢嘅睡房令人有無窮嘅幻想

行完皇宮見到有個指示牌寫住有Angelina食!

喺香港一直都好想試嚟到巴黎當然要一試本地咁出名嘅甜品店

   

 嗚有啲後悔同佢講我地係食snack唔係lunch因為原來lunch係有多啲款選擇

不過唔緊要snack bar嘅兩款蛋糕都好好好好味!

聽朋友講朱古力蛋糕甜得有點過份我地揀嘅raspberry cake同lemon tart真係好perfect!

食飽諗住走嘅時候發現後花園嘅門唔知點解開左

我地當然偷偷走左入去因為其實係要再另外買入場券的lol

 
雖然影出嚟好似無咩特別但現場睇個後花園又大又靚

我都好想住係皇宮。。。

之後離開凡爾賽宮我地就向聖心大教堂出發

   

  

 因為落雨嘅關係

我地喺聖心大教堂門前影左幾張相喺裡面行左個圈就行落去教堂下面大街嘅商舖避雨

唔知點解今次唔覺得聖心大教堂有咩特別。。。

行到落去見到有間好多人幫襯嘅朱古力店

我地當然都要幫襯下買左兩袋朱古力

行完朱古力店都已經係傍晚

就搭地鐵去唐人街搵食

因為我地全家都唔想再食法國嘢

於是我就上網搵到條好似幾出名嘅唐人街

印象中好似係Place d Italie站落

然後見到麥當勞轉入去就係唐人街(所有出口都幾近)

不過我地去嘅時候舖頭都差唔多閂曬門

好彩嘅係我地喺陰暗嘅唐人街中搵到間燈光火著好好食嘅越南餐館!

   

  

 唔知係咪太耐無食過粉面嘅關係

呢間嘢啲嘢食真係好好味!

冬蔭功湯好足料雖然貴左啲

但其他粉面係好大碗好抵食

而且裡面嘅裝潢又靚侍應又好好人

今晚入到去呢間餐廳就好似發左場夢咁

感覺一啲都唔真實

   

  

 因為聽日就走lu

返到去當然要係呢間感覺古老嘅apartment留影一下 

 

Advertisements

Day 8 Paris

 2015.05.18     

今日第一站係羅浮宮

我地嘅apartment 距離羅浮宮只係十分鐘之隔

一路行過去已經見到好多人

不過我地排左一陣好快就入得去

   

入到去有幾個售票處

所以又係好快就可以入到去參觀

   
     

Mona Lisa前依然係人山人海lol

離開羅浮宮

就搭火車到outlet掃Longchamp!

我地去嘅outlet叫La Vallee Village 

市中心去車程約一個鐘

喺迪士尼前一個站 Val d Europe落

一落車就會有指示去到outlet

去outlet前會經過一個大商場

我地見個大商場都幾多嘢行

仲要遇到Gap大減價掃左啲衫

不過longchamp始終都係outlet抵五百蚊港幣不到就有一個!

行完outlet後到商場嘅超市買嘢食返apartment

雖然今日只係去左兩個地方但返到apartment 已經覺得隻腳好似唔係自己咁。。。

Day 7 Paris

  

2015.05.17

嗚終於離開左Reykjavik到左又污糟又臭嘅巴黎

一到埗因為指示太差搵左一陣先知點搭車去我地個apartment

真係唔miss左個車站都唔知Gare du Nord即係Paris Nord站…

突然好想學法文唔使喺度撞下撞下lol

到左apartment放低行李我地第一時間去睇鐵塔

   
 

  
雖然又熱又多人又逼

不過鐵塔真係睇極都唔厭

雖然之前同朋友都嚟過

但同屋企人嚟又係另一種感動

感動我地一家竟然可以有機會嚟到歐洲

   
        
下一站係凱旋門

又係因為唔識法文搵左一陣先搵到入口行去凱旋門𥚃面

去到見到好似係進行緊紀念某人嘅儀式

睇完後喺香榭麗舍大道行左陣同食晚飯

仲終於俾我食到巴黎嘅macaron ❤

   

  

 食完晚飯之後行左一陣就睇到黃昏下嘅凱旋門

又係另一種感動

   

  

  

我的第一次歐遊 – Day 12 Paris

今天即將要離開巴黎了,最後要去的地方是聖心大教堂!

吸引我的唔係教堂裡面。係巴黎睇得太多教堂竟有點膩,反而教堂外既人吸引住我既目光。

最後係巴黎既一餐 – 食大餐!

serve我地個侍應好正,佢唔係好講野但臨走前係張單度畫左個心心俾我地shy

 

 

係巴黎,由於物價太高,我地用盡方法慳。有一次去食subway個野飲其實係唔可以refill但我地就派左兩個人去問個waiter路阻擋佢既視線一個人就係後面refill之後即刻走;

而搭地鐵既時候因為飛太貴我地就兩個人一齊入閘出閘慳返張飛cool

哈哈當我地離開左巴黎之後我地有諗過出本書教人點窮遊巴黎,希望成事啦silly

我的第一次歐遊 – Day 11 Paris

今日第一站唔係去景點,而係去郵局,寄postcard

之後去左附近既市集行。話說我見到有個男人擺檔賣bra,佢仲要用首飾襯bra一套套咁擺出黎賣,真心幾靚,好有fashion sense。可惜我唔敢影低XD希望第時係名店見到佢d design lasilly

最後買左幾個包返酒店叫人幫我地叮返熱lol

原本諗住參觀博物館可惜貧窮既我地實在覺得入場費好貴,決定係周邊周圍行。

其實巴黎除左地鐵好臭之外,我都幾鍾意佢地幾有文化氣息。周圍都見到有人畫畫之餘,地鐵站仲有好多人睇書,又有人拉小提琴。

我地都唔知自己行左去邊,好隨意咁樣去左呢個有d似中環既地方。

巴黎隨處可見大大小小既教堂

巴黎好出名既cafe。戰後時期好多名人都係度留低不少字跡。

同樣地,呢間cafe都孕育左唔少明人,包括Hemingway.

舊監獄。重點不在於參觀。話說我好肚痛,諗住入去打完大佬先參觀。不幸既係,我打完出黎佢話要閉館…對唔住呀各位bummed

在巴黎聖母院看到彌撒!雖然我無宗教信仰,但現場既一切令我有莫明流淚既衝動

 

我的第一次歐遊 – Day 10 Paris

今天的第一站是凡爾賽宮

好想買!但太貴了…

皇宮裡的教堂 – the Royal Chapel

剛巧有個講廣東話既導遊,我地乘機係側邊聽佢講解

人山人海,仲要全部都係中國人wtf

這就是瑪麗皇后既睡房!

第二站-Tour Eiffel埃菲爾鐵塔

埃菲爾鐵塔的既對面係2010世界盃直播lol

警察shy

上了埃菲爾鐵塔!

隔了一會就看見很美的夜景