Day 3 Jeju

第三天的行程如下:

O’sulloc Tea Museum、Teddy Bear Museum、柱狀節理帶、Joanne Studio、神秘之路、Love Land.

一d都無誇張,從未飲過咁好飲既綠茶!!!

就連普通一杯綠茶都同平時飲既唔同,呢度既綠茶特別香甜。

上面係Jeju tenjerine green tea latte. Tengerine係濟州特產,我諗既係同桔同類。

呢杯係最好飲既一杯。又有綠茶味又有既清香,係O’sulloc Tea Musuem既必飲!

之後去左Teddy Bear Museum.

好好玩啊!真係估唔到濟州咁好玩!每個地方都充滿驚喜。

係好好味既鮑魚粥,司機介紹的。

我地問佢邊度有鮑魚粥食,佢就會打電話去問有無開、幾多錢、同幫我地叫定野食。

其實如果唔係佢,我諗我地既濟州之旅唔會咁好玩。

仲要佢加多一個鐘俾我地。其他既jumbo taxi每日9am-6pm收180000W;而佢就同樣價錢但包9am-7pm仲要介紹地方俾我地。

我地私底下都叫佢櫻叔,因為佢實在太似小丸子既櫻叔了XD

綠色應該係因為有海苔,仲有芝麻味,單睇外表真係唔會知碗粥係咁好味!

下一站係柱狀節理帶,一個我地原先無諗過去既地方,因為櫻叔嫌我地行程唔夠,所以帶埋我地去。

完全想像唔到會係咩樣既柱狀節理帶瞬間呈現係眼前了。

真係好神奇,每舊石都係五角形的。

不過,呢一站最深刻既係,因為我朝早忍唔住口飲綠茶,去到呢度既時候我突然間十級M痛。

真係從未試過咁痛,仲要個度好凍好大風,我感覺到我好似就黎要死了…

不過忍痛見到咁神奇既自然景觀咩都抵返晒.

之後又係原先無諗過去但司機車左我地去既Joanne Studio (free entry)。

裡面全部都係女士做既公仔,好得意。

之後去左神秘之路。

其實係濟州必去既景點,不過因為我地完全無做過功課,唔知有呢個地方,都係櫻叔帶我地去。

呢條路既神秘之處就在於明明條路向上斜,但倒水落去條路度水會向上流!

後來發現係周邊既樹帶出黎既視覺效果,令人誤以為條路係向上斜,但其實係向下的。

順帶一提,神秘之路旁邊既熟食檔既小食好好味!

魚糕同漢堡扒特別好味!

之後去左今日既重點Love Land.

期待已久哈哈

成個都充滿住大大小小既性愛雕像,帶俾我地視覺上無窮既刺激XD

晚飯我地提議去食刺身,櫻叔就帶左我地去呢間佢同屋企人平時食開既餐廳。

濟州既剌身果然係又平又抵食!

成檯刺身仲有海洋鍋豆腐湯都只不係每人二百幾蚊!

返到酒店我地既節目就係食酒店既桔同睇Running Man

成個旅程都係不斷食:DD

Advertisements

Day 2 Jeju

第二天的行程如下:城山日出峰、民俗村、Trick Eye Museum、天地淵

結果一朝早就去左行山!

城山日出峰好似係火山形成的,行到上最高就是這樣的。

征服左城山日出峰就去食當地出名既海鮮鍋!

熱辣辣既海鮮鍋!其實我地都唔知邊間好食,呢間係司機帶我地去既,裡面一個人都無,我地懷疑係司機既家族生意XD

不過又幾好食wor

順帶一提,原來冬天韓國餐廳既地板會加熱的我地坐個時暖笠笠好細心

不過起身去洗手間就好凍好辛苦…

之後去左民俗村。

其實民俗村呢家野係旅行團先去,但我地話要去Trick Eye Museum既時候司機睇錯地址定唔知見近所以車埋我地去。

佢地話我著到好似去義教XD

之後就係重點Trick Eye Museum!

真係好好玩啊!!!

不過我地淨係留左九個字就要趕去天地淵

好近距離咁睇好壯觀!

去完天地淵,我地無叫司機車我地返酒店,而係車我地去三代湯麵會館。

呢間野係上網搵返黎的,出名豆乳冷面、豬肉湯麵同豬腳。

我地就當然全部都叫:D

全部都好好味啊!去旅行食好緊要!我地要係濟州展開美食之旅!

個豬肉湯麵因為有胡椒湯底,愈食愈辣。

估唔到韓國野食唔係紅色都結果係辣既:P

 

 

 

Jeju之黑豚肉

第一日係首爾再transit去濟洲,去到酒店check in完都差唔多時間食晚飯。

我地就叫酒店既staff幫我地call的士。

我地住間酒店服務幾好,叫Goodstay Hotel,二百幾蚊一晚。

d staff態度好好,每日仲會有一箱桔擺係lobby任拎!

call左的士後我地就叫司機車我地去食濟洲出名既黑豚肉!

我地都唔知邊間好食,都係司機介紹,就係黑豚肉美食街既街口。

不過睇黎我地呢間都應該幾出名,好多人幫襯。

黑豚肉真係好好食!去濟洲真係不得不試!

佢地仲會煎埋kimchi食,咁樣食kimchi又幾好味喎kiss