Honeymoon Day 11 :: Munich 

2016.11.12

原本無打算去集中營

因為見旅遊書只係略略介紹

但有朋友極力推薦我地去

所以我地就一朝早搭左半個鐘車去位於Dachau嘅concentration camp

去到由於又發現未有巴士

所以就喺附近一間cafe食個lunch

好鍾意德國嘅cafe

唔知點解覺得佢地嘅蛋糕別有一番風味


去Dachau concentration camp嘅旅客好多

一落車我地就去左排隊租導賞機

集中營原來好大好大

我地跟著地圖走一行就行左成日


一打開寫住”work for freedom”嘅閘就真正感受到當年集中營嘅情景

參觀過戰俘密麻麻嘅床位

見到一個呃戰俘係沖涼房嘅毒氣室

感受良多

我係第一次參觀展覽/紀念館咁感受深刻


離開集中營嘅一刻

真係好不捨

好後悔無再早啲起身嚟呢度留耐啲

參觀完集中營之後

我比之前又更加鍾意Munich

更加鍾意德國

欣賞佢地坦盪盪承認自己嘅黑暗歷史

今日係honeymoon嘅最後一日

如果第時再有機會

我會想去德國更多嘅城市

Advertisements

Honeymoon Day 10 :: Konigsee 

今日一早未到9點就喺酒店出發

尋一晚做左好耐功課

為嘅係要用一日嘅時間去國王湖

國王湖其實係位於奧地利Berchtesgaden

要喺最近Munich嘅Salzburg轉車去

Salzburg係德國同奧地利嘅交界

唔少人會喺慕尼黑即日來回

時間有限唔緊要

最緊要係佢交通複雜

好易就會走左班車

我地首先dl DB個apps 

Check清楚火車時間同點樣轉車

又check清楚邊班車可以用Bayern ticket 

Bayern ticket係0900後可以用嘅平飛

限制係只可以搭普通火車快車係唔可以搭

最正嘅係唔只平一般車飛幾倍

你拎住佢仲可以喺德國同奧地利Bayern範圍內搭任何交通工具

二人同行只係23.2 euro

 

去到Salzburg 打算搭1200嘅巴士
點知佢係特定日子先開

而下一班車已經係1330

好彩Salzburg係大站

我地喺附近嘅商場行左陣又忍唔住買左手信

當我地有幾分懷疑Salzburg其實係咪仲喺德國

一入去就見到周圍都係莫扎特朱古力

就知自己已經身處奧地利

好多人都話好難食

於是我抱住好奇嘅心買左兩細盒

買完嘢食完lunch

就差唔多出去排隊等巴士出發去Berchtesgaden

去到Berchtesgaden 終於見到有亞洲旅客面孔

即刻安心啲知自己無搭錯車或落錯站

其實本身Munich係有火車直去Berchtesgaden

但我地遇著Berchtesgaden火車維修所以要搭代替火車嘅巴士


沿途去國王湖已經可以見到好靚嘅景

同Munich感覺好唔同

去到國王湖走左班船

就沿著湖邊行左一陣

已經覺得好似置身仙境一樣


上到船又係進入另一個仙境


去到呢度

我此生無憾喇!

真係靚到船上所有人都靜左

狂影相

船家仲要示範吹喇叭

然後竟然有好清嘅迴音

好amazing!!

上到島咩都無開

聽到個導遊話冬天要weekends先開

於是我地就跟返同一架船走左lu 

雖然只係短短一個鐘

但我都覺得係值嘅

不枉我用左5個幾6個鐘嚟呢度

Honeymoon Day 9 :: Munich

2016.11.09

一朝早喺酒店check out後

就坐機場巴士到機場飛返慕尼黑喇

雖然係第二次嚟Reykjavik

但都不得不為佢嘅自助print行李tag嘅機而驚嘆

返到慕尼黑已經係晏就

我地唯一嘅行程就係去St Michael’s Church附近嘅穀麥市場行左一圈

不得不提嘅係我地喺慕尼黑機場排緊隊買車飛之際

有兩個正要離開慕尼黑嘅女仔以5歐賣左張group day pass俾我地

雖然未至於好似之前喺巴黎有人俾免費Louvre Museum pass同喺新加坡有人俾免費Santosa車費咁幸運

但我依然為我呢點旅行運而開心左陣



市場好多聖誕飾物賣

但可能因為落雨關係唔係每檔都有開

我地又唔係好肚餓

決定行返出大街先食嘢

誤打誤撞下入左一間有兩層嘅甜品舖

一嘗當地嘅蛋糕

以為好甜

但原來又幾好味

Tiramisu好香雪糕又估佢唔到幾好食

食左個甜品

行返去地鐵搭返去酒店個Munich Central Station

發現嗰度嘅地下街超級好行!

我地入左間超市買左好多手信


呢個之前阿妹喺Vienna買過俾我食

超級好食!

決定喺度買多幾包

然後去左間中國面店買左兩盒炒面

見到華人面腔再加中國嘢食倍感親切

再去買左個waffle做甜品


嗚呀食完巧感動

我終於唔使食乾爭爭嘅包!!

Honeymoon Day 8 :: Reykjavik

2016.11.08

一直都好想去行冰川

今日終於願望成真

一朝早長途跋涉咁由市中心搭車到冰川需時都要兩三個鐘

不得不佩服司機無瞓著覺

啲路又直又無嘢睇佢依然好精神

耐唔耐仲會停一陣俾我地去洗手間或者飲杯嘢

幾時都話Reykjavik 係個旅客天堂

一到步就見到我地嘅coach

由於我地個團得我地兩個加一個外國中年男人

顯得我地一啲裝備都無

如果同行有啲大媽就好喇。。。

借完鞋戴左安全帶就拎住釘鞋罩出發喇


我地行到山邊coach就教我地點著鞋罩

可能由於我地得三個人

我地行行下愈行愈上

上到已經無其他團嘅縱影


上到去白茫茫一片

好壯觀

Coach話幾年前冰川比我地腳踏嘅地方要高得多

全球暖化冰川就一直瀜到落我地腳踏嘅位置

至少都有兩三層樓之距

好令人擔憂

落到山解散我地就去左山腳嘅餐廳休息

好攰但我地都好開心

有幸嚟到冰川


休息完上左車

司機仲車埋我地去睇瀑布

之後估唔到返到市中心只不過係5點幾

我地走左入間美式餐廳食左個扒

就咁完結左美好嘅一日

Honeymoon Day 7 :: Reykjavik

2016.11.07

今日嘅活動就只有晏就去浸Blue Lagoon

於是就去市中心四圍行下


仲去左食我上次一食難以忘懷嘅湯麵!!

估唔到嘅係梁子鋒都話好好食

可惜佢喺我地酒店附近嗰間分店已經執左

得返一間總店

價錢仲要貴左

不過我依然係咁愛佢!


然後當我地去到Blue Lagoon

先發現我無買到入場券

一等就要等3個鐘先有位

正當我望住個天漸漸變黑極度失望之際

入到去先發現原來夜晚浸都幾有feel好浪漫<3

Honeymoon Day 6 :: Reykjavik

2016.11.06

由London 到Reykjavik

再由機場搭巴士到酒店

天已經黑齊

唔知係咪因該冬天嘅關係

5點已經黑到好似夜晚9點幾10點咁

我地喺酒店擺低行李休息左一陣

就去朋友介紹嘅Sjávargrillið食晚餐


餐廳主打菜係seafood

我地嗌左碟小龍蝦同ribs

兩碟都好好好好好味!!

最尾仲嗌左個pistachio soufflé 

連甜品都出乎意料地好味

環境仲要好靚好靜

好開心第一晚到冰島就食到好嘢

Honeymoon Day 5 :: Brighton

2016.11.05

今日一早喺Victoria站好快咁買左個包同咖啡

就同麗一pair坐火車出發到London以外嘅近郊Brighton 

聽講Brighton有個好大嘅海灘

一直好奇冬天點解仲有咁多人會去行

原來Brighton 係一個唔只得個灘嘅美麗小鎮


一落車會走到一條有各式各樣店舖嘅街道

行過呢啲舖頭

就會到一座充滿印度色彩唧宮殿

係以前皇帝嘅渡假宮殿

而家開放俾公眾參觀

甚至可以俾人包場搞婚禮


我地無買到入場券到裏面參觀

喺宮殿出面行左一圈之後

就慢慢走到海邊


喺海邊好有趣地起左個遊樂場


我地食喺海邊一間餐廳食左個lunch之後就去左遊樂場睇下有咩玩

𥚃面有好懷舊嘅碰碰車、鬼屋、小型過山車同會喺歡樂天地見到嘅遊戲

玩左大概一個鐘之後就去返我地一開始經過嘅購物街行下


喺一間gelato店食左個雪糕傾左一陣計

喺一間精品店買左一對杯俾朋友

就係咁樣好快就要離開Brighton 喇

Brighton果然係個人見人愛嘅地方
返到London喺文興食左餐中國菜

突然好有家嘅感覺

食完飯離開文興行幾步路就返到酒店

估唔到咁近

又再傾左一陣傾就同麗、chuchu道別喇
今日真係估唔到咁開心咁多嘢傾

估唔到第一次見面嘅Chuchu係咁啱傾

令到我地更加唔捨得

希望好快有機會可以再見面