My baby is 7m old!

lrg_dsc00914

原來已經好耐無update

一update謙謙已經7個月大了

由第一個月好想佢快啲戒夜奶好想佢快啲大個

到而家唔捨得佢大得咁快

開始懷念佢以前細細粒嘅樣

時間真係過得好快

由上個月仲係食緊糊仔仲未坐得穩
到

今個月我已經要朝朝十點煮飯仔俾謙謙食喇

我真係好唔捨得好唔捨得你咁快大

Advertisements

My little monster

終於明點解啲人話放低個啱啱瞓著嘅小朋友落就床就好似放低個計時炸彈咁

每當我餵完奶哄完謙謙瞓著

一放低佢隔一陣就會大聲尖叫嚎哭

天呀當我以為我可以瞓得嘅時候

佢就會一秒由一個好可愛嘅bb變怪獸

大喊不特止仲成身臭臭

原來做人媽媽真係好辛苦的

Being parents

一開始喺醫院

會有midwife教你breastfeed

但其他嘢例如換片就唔會有人理你

好多嘢都係自己摸索

Bb成晚喺度喊我都唔知發生咩事

結果就喺我臨出院前一日

護士走嚟同我講bb crp有啲高兼body weight drop多過10%

要住院了

嗰一刻我忍唔住喊了

自從佢喺我個肚走出嚟以後都未試過分開

而家突然話bb同唔到我一齊出院

我崩潰了

另一方面我亦為我無餵飽佢而令到佢咁我覺得好內疚

第二日出院以後我日日泵奶送過去俾佢

去到又會breastfeed下佢

個心先定啲

出院嘅時候護士教我breasfeed完補奶

見著佢body weight上升返我返屋企次次都會補返奶俾佢

如是者過左幾日我同老公都攰到崩潰

因為仲摸索緊佢肚餓嘅時間同唔知應該加幾多奶俾佢

直到過左差唔多一星期我地終於摸索到夜晚餵飽啲我地就可以q4先餵

不過breastfeed完仲要補奶嘅問題一直困擾我

直到帶bb去健康院見過母乳顧問同問左朋友嘅經驗

我地得出嘅方法係日頭q2 breastfeed夜晚q4補奶

我地終於呢兩晚都有覺好瞓

慶幸我身邊一直有屋企人幫手同你 如果無左你我應該會產後抑鬱

生完後我確信我嫁啱人了<3