2014.10.14
今朝一早去左China Town牛車水
為既係阿坤咖央多同唱錢同買套票
上網睇個個都話牛車水CK Money Exchanger唱錢最抵:
336 Smith Street #01-304
其實係一間百貨公司CK Dept Store既地下
連當地人都會去唱錢
呢間野應該真係幾抵
估唔到China Town都有印度廟!
我就開始諗新加坡到底係華人多還是印度人多
咁佢都又會自稱印度人/華人還是新加坡人呢?
行下行下
就見到阿坤了！
仲以為離地鐵站幾近
點知搵左好耐先搵到…
有人話阿坤多士不外如是
所以我都無抱好大期待去食
但結果係…
真係好好食呀！！
佢裡面其實唔只咖央
仲有舊牛油
咬落去好有層次！
仲有個蛋
加豉油加楜椒粉真係一流！
阿坤既侍應仲會問我地邊度黎操得一口流利廣東話
食完之後就去買Universal Studio同Gardens By The Bay既套票
有間叫天宇旅遊既旅行社售賣新加坡以至馬來西亞既景點套票都非常抵
我地好後悔係香港預先買左Night Safari同Legoland既套票…
地址如下：
牛車水唐城坊#03-15
之後去左City Hall行街買袋！
Charles and Keith又抵又靚有d後悔淨係買左一個…
另外TWG亦係新加坡必買既野
唔講唔知原來TWG係新加坡土產黎
行到差不多六點就起程去Night Safari
一去到就有個welcoming show
我同我男朋友講：
我地都係唔好行咁前淨間佢地拉我地上去玩火把
然後個差不多接近尾聲佢地真係拉左個男人上去
俾著我真係會好驚好驚:P
好不容易先俾我係夜晚捕捉到佢地
夜晚原來唔係全部動物都訓覺
聽個tour guide講原來長頸鹿一日只需訓兩個鐘
Advertisements
